Jumat, 29 Juli 2011

Nyo'on sappoorana ngghihhh,..

Ébulen sè penuh barokah neka abdinah nyo'on sappoorana pandjennengan sèrajeh. Mi' bedeh sala lopot deri ocabhen abdinah èbekto sètapngkor nyoo'on Sappoorana Palar mogeh èbulen pasa neka sadejeh amallan abdina ben pandjennengan ètarèma'a kalaben Gustè ALLAH (Repo)

Rabu, 27 Juli 2011

Ati-ati mangan roti kalengan pas posoan!

Ati-ati rek. Biasane pas posoan karo riyoyo akeh suguhan roti kalengan. Opo maneh, saiki akeh roti sing merk terkenal tapi palsu. Aku dewe tahu disuguhi roti merk Kong Huan karo wafer merk Nissin sing palsu. Jarene iku uakeh nang pasaran. Waktu iku, aku wis kadung seneng pas disuguhi roti karo wafer merk iku. Eh, pas tak bukak, isine malah rempeyek karo rengginang! Cukkkkk,.. Hahaha (Wiwit)

Nanas

Nduk Tunjungan Plasa kepreset olie
Olie'e ireng nyiprat nang nanas
Nek panceng Rosa ngomong nang Anggie
Duwik'e pasti nyiprat nang Anas

Nanas bosok nanas'e pak Brodin
Pak Brodin gak seneng nyebar fitna
Anas mosok gak mangan duwik'e Nazaruddin
Wong Nazaruddin wis bengak-bengok teko Argentina
(Rahmat)

Senin, 25 Juli 2011

Ngumbah Kucing

Sukirun, iku ngono mbah-e Taji, dhengaren tuku rinso nang warung-e Nurdi.   "Dhengaren mbah tuku rinso, kathe umbah-umbah tha?" Nurdi, takok."Aku kathe ngumbah kucingku," mbah-e Taji, njawab.  

"Gak salah tha mbah, kucing kok sampean umbah?" Nurdi, bingun...g karo nggaruk irung-e."Lha wong kucingku ngono akeh tumone," Mbah-e Taji, ngeyel."Lhak isok mati kucing sampean," Nurdi isik ngilingno. 

"Koncoku wingi yo ngumbah kucing, gak opo-opo ngono," jawab Mbah-e Taji karo ngloyor ngaleh. Bareng sisuk-e Mbah-e Taji moro maneh nang warung-e Nurdi tuku rokok, Nurdi sik penasaran, terus takok. 

"Yak nopo mbah kucing-e sampean wingi.""Kucingku mati!""Lho lak temen tha, sampean iku dikandhani gak percoyo, kucing kok diumbah rinso, wong obat tumo yo akeh," Nurdi nuturi. 

"Kucingku mati gak perkoro rinso," sahur-e Mbah-e Taji karo nyedot rokok-e."Lha mergo opo opo lho?""Mergo tak peres!""...???"(soko kumpulan crito-crito kaspo mode cak Tolo) (Facebook Tri Risma)

Minggu, 24 Juli 2011

Onok maneh rek, soal pocong kenjeran

Rek-rek, jaman wis koyok benang ruwet ngene jek onok ae sing aneh-aneh. Tontoken iku nang daerah Kenjeran, Suroboyo. Ono wong sing nyamar dari pocong, ditangkep polisi. Wong gendheng be'e. Sing siji iki, polisine kerjone cocok karo impen, onok gunane gawe masyarakat.

Mbalek nang soal aneh-aneh. Koen sing wis gerang kan jelasne ngerti, negoro iki ruwet. Masalahe akeh, wis gak usah koen tak tambahi sing aneh-aneh. Sakjane, awake dewe iki iso paham, nek kelakuan sing 'aneh' iku onok gunane gawe dulur-dulur kabeh. Misale, meneng-meneng koen ngersiki Kalimas. Polisi jelas seneng, wong-wong kabeh yo melu senang.

Opo nang wilayah omahmu sing rusuh iku koen resiki. Ce'e ketok padhang, iku luwih genah timbangane koen blakra'an nang embong-embong, nyamar dari pocong. Yo opo nek menurutmu? Setuju kan? Nah, nek wis setuju, ayo ndang dikerjakno cuk! Ojo mdlahom ae, plonga-plongo nang ngarep komputer opo utak-utek hape thok ae,.. hehehe (kris)

Ketemu Jin


Mari kekeselen ngerombeng gak oleh-oleh, Kayat katene ngaso ngisore witasem, mripate nguantuk, sikile kemeng, wetenge lue.

Sik tas katene keturon, dhadhak sikile ngincak botol. Bareng botole dijupuk dhadhak metu beluke, Kayat mencolot kuaget.

"Hua ha ha ha, jenengku jin botol, telu panjalukmu bakal tak turuti,"
jare jine.

"Gak percoyo aku, paling kon kate mbujuki aku. Biyen aku iki guanteng lan sugih, lha saiki aku malih ireng mlarat koyok ngene iki mergo dibujuki ambek jin" jare Kayat.

"Lho biyen iku be'e awakmu pethuk ambek jin kaspo, lha aku iki lak jin
apikan tah, dhadhi wis gak usah khawatir. Opo maneh awakmu wis kadung koyok ngono, gak bakal isok luwih soro maneh, wis tah gak rugi pokoke. Lek gak percoyo, cobaken dhisik ae njaluk opo" jare jine maneh.

"Yo wis, awas lek awakmu mbujuki. Tak gibheng kon !!!. Sing pertama,
aku kepingin ndhuwe dhuwik sak karung," jare Kayat

"Meremo dhiluk.."jare jine. Ting... Pas melek moro-moro ndhik ngarepe Kayat wis onok dhuwik sak karung, seket ewuan kabeh.

"Sik gak percoyo tah awakmu, saiki njaluk opo maneh .. ?" jare jine.

"Saiki .... aku njaluk omah mewah sak montore, pokoke lengkap sembarange."
jarene Kayat.
"Meremo dhiluk.." jare jine.

Ting... Pas melek moro-moro Kayat wis nang njero omah mewah. Kayat sueneng gak karuan.

"Lha saiki kari sithok panjalukmu sing isok tak turuti, pikiren sing temenan cik gak getun" jare jine.

Ambek merem-merem mbayangno, Kayat njaluk, "Aku kepingin kulitku
malih putih wudho dirubung wong wedhok akeh".

Pas katene melek, samar-samar Kayat krungu suorone wong wedhok rame ambek keroso awake dicekel-cekel. Tapi kok mambu iwak pindang, pikire Kayat mulai curiga. Bareng melek, Kayat kuaget lha kok wis nang tengah pasar, tibake Kayat wis dhadhi tahu. . .

Kamis, 21 Juli 2011

Din, Nazaruddin! Muliho cuk!

Negoro iki pancen aneh pol! Suwi-suwi tambah ketok gobloke. Utamane soal M.Nazaruddin iku lho cuk. Wong sing jarene korupsi terus minggat nang Singapura iku lho. Lha wingi de'e ngomel nang MetroTV. Koen ngerti gak se? Nek gak ngerti, nontok'o tivi cuk!

Urusan Nazaruddin iki pancen dadi ruwet. Pahadal sakjane gampang ae. Sak iki pikiren ta, nek onok bajingan mlayu, sing paling gampang iku lak dikejar ta? Tapi Presiden SBY, sak polisine sisan ketoke malah
ndlongap-ndlongop gak lapo-lapo. Dadine, Nazaruddin koyok-koyok bebas lapo-lapo. Termasuk bebas ngomel nang tivi.

Partai Demokrat yo ngono. Awale, pas Nazaruddin pertama kali minggat nang Singapura, wong-wong Demokrat podo mbelani. Alasane, Nazaruddin loro. Mosok wong loro gak oleh nang dokter? Oleh ae cuk. Tapi, pas Nazaruddin dadi tersangka, wong Demokrat purak-purak gak ngerti nggone Nazaruddin nang Singapura. Dobol!

Pas Nazaruddin ngoceh, nyebut jenege Anas Urbaningrum, Andi Malarangeng karo liya liyane, jongor! Kapok koen kabeh. Presiden SBY yo ngono, sing saiki sibuk ngurusi Demokrat, timbangane ngurus negoro. Heh pak, sampeyan iku Presiden RI rek, ojok ngurus Demokrat ae.

Naz, koen muliyo cuk! Timbangane tak kaploki dewe! (Jono)

Selasa, 19 Juli 2011

Iki sing nggarai posomu batal!


Rek, maringene posoan. Koen sing Islam kudu ngerti opo sing nggarai posomu batal. Wis ngerti ta koen? Ojok montak mantuk ae rek. Wis ngene ae, nek koen gak ngerti, be`e koen kudu moco aturan-aturan poso sing ono nang ngisor iki.

1. Ngidu

Ngidu iku mbatalno poso, nek koen awan-awan gak sengojo ngidu nang "iku"ne bojomu, terus koen pura-pura ngersiki, tapi koen kenaken terus maringono koen ngentu karo bojomu awan-awan. Batal rek posomu!

2. Turu Awan

Turu awan iku mbatal no poso nek koen "turu" karo bojomu awan-awan sak ngentune pisan. Mending tahanen rek, gawe bengi-bengi ae mari buko, opo sak durunge sauh

3. Nyenggol

Nyenggol "ikune" bojo opo pasanganmu, terus koen lanjut karo remes-remesan awan-awan. Jelas batal cukkk.

4. Nguncalno duwik koin

Koen nek nguncalno duwik koin, terus gak sengojo kenek "ikune" koncomu, terus koen purak-purak ngersiki karo remes-remes rong jam soale podo enake. Duso karo batal rek!

5. Lungguh-lungguh

Lungguh-lungguh awan karo iseng-iseng ngelbokno pulukan sego pecel nang cangkemmu, karo ngrojokno es degan. Termasuk nek koen lungguh-lungguh karo ndemok-ndemok bokonge bakul pecel sampek koen dikaplok. (Tono)

Gerbang tol paling anehhh,..

Rek, sepurane sing akeh sakdurunge. Iki ngono foto gerbang tol sing wis rodhok suwe muncul nang BBM. Aku gak yakin, iki berbang tol temenan. Aku gedhe nang Suroboyo, Jawa Timur rek, sak eruhku gak ono gerbang tol sing koyok ngene. Hahahahha,..

Minggu, 17 Juli 2011

Kapan nyusul?

Mangkel aku nek nang acara kawinan bareng wong tuek-tuek. Wong tuek-tuek iku mesti takon, "Kapan nyusul? Kapan kawin? Isin aku?!

Mangkane pas onok acara layat wong mati, aku gantian takok nang wong tuek-tuek iku, "Kapan nyusul...??! Eh, malah aku dikaplok... (Jimuha)

Wasiat Mbah Jo

Rubrik Pringisan isine postingan cerito lucu soal urip. Sopo ae iso ngisi. Ben rodok teratur, mulai minggu iki secara teratur ono crito sing disiapno redaksi blog Wonokromo iki. 
Asline crito iki wis beredar suwe nang internet. Kanggo sopo ae sing asline nulis guyonan iki. Posting iki kanggo ngramekno ae, gak ono urusane karo komersialisasi. Suwun. (Redaksi Wonokromo)

Mbah Jo dirawat ndhik rumah sakit. Jare doktere asmane wis kronis, irunge sampek dipasangi selang. Wis pirang-pirang dino iki mbah Jo meneeng ae koyok wong koma, mripate thok sing ketap-ketip.

Dikiro wis wayahe mangkat, anake nyelukno mudhin ben didungakno. Pas mudhine enak-enak ndungo, moro-moro Mbah Jo megap-megap gak isok ambekan, raine pucet, tangane gemeter.

Nganggo bahasa isyarat mbah Jo nirokno wong nulis. Anake ngerti maksute, langsung dijupukno kertas ambek pulpen. Ambek megap-megap, mbah Jo nulis surat.

Karo siso-siso tenogone mbah Jo ngekekno surate iku mau nang pak Mudhine. Ambek Pak Mudhine kertase iku mau langsung disaki, rasane kok gak tepak moco surat wasiat saiki, pikire pak Mudhin. Mari ngesaki surat pak Mudhin nerusno ndungone.

Gak sui mari ngono mbah Jo mangkat. Akeh wong sing kelangan, soale masio sangar, mbah Jo iku wonge apikan. Pas selametan pitung dinane Mbah Jo, Pak Mudhin diundang maneh. Mari mimpin ndungo, Pak Mudhin lagek iling lek dhe'e nganggo klambi batik sing digawe pas mbah Jo mangkat.

Lha ndhik sak klambine lak onok titipan surate Mbah Jo tah, waduh slamet eling aku rek, pikire pak Mudhin.
"Derek-derek sedoyo, onok surat seko almarhum Mbah Jo sing durung tak sampekno nang peno kabeh. Lek ndhelok mbah Jo pas uripe, isine mestine nasehat kanggo anak putune kabeh. Ayok diwoco bareng-bareng isi surate".

Mari ngono pak Mudhin ngerogoh surat ndhik sake, bareng diwoco tibake munine..
HEEEE..DAMPUT.. NGALIO DHIN !!! OJOK NGADHEK NDHIK SELANG OXIGENKU !!!

Gudeg Suroboyo :)

Foto iki menarik. Yo isok nggarai 'rame' pisan. Tapi, Suroboyo karo Jogyakarta iku sak duluran rek. Be'e, iki sing duwe wong Yogyakarta sing kawin karo wong Suroboyo, terus mbukak Gudeg Suroboyo. (Basman)

Sabtu, 16 Juli 2011

Becaaaaaaakkkkk,....

Becak (fotone: Antara)
Koen oleh seneng-gak seneng, tapi sing jenenge becak iku, pancen onok nang Suroboyo. Menurutku ikut luwih maju ketimbang Jakarta sing justru wis mbuwak becak pirang-pirang tahun kepungkur.

Becak pancen unik. Ban'e telu, lungguanne nang ngarep, karo onok sing nggenjot, tukang becak'e nang bagian mburi. Becak iku jos nek digawe nembus-nembus dalan-dalan macet nang Suroboyo. Biasane, tukang becake luwih ngerti endi dalan-dalan terobosan. Iyokan?

Becak gak cuma ditumpaki karo uwong cuk! Kadang-kadang, becak yo digawe ngemot tanduran, kewan-kewan koyok wedus, kerdus-kerdus lan sak liyo-liyane. Sik enang, tukang becak'e yo isok ngewangi pisan angkat-angkat ngedukno barang-barang iku.

Rek, tukang becak iku dulur dewe. Ojok dimusuhi. Ojok pelit-pelit karo tukang becak. Sekalian sodaqoh rek! Opo maneh iki cedhek-cedhek posoan. Mbok kiro tukang becak gak melu posoan? Gak melu riyoyoan? Melu cuk!

Ayo nbecak? Eh,..ayo numpak becak! :) (Jono)

Slerekan nang bis

Ning Romlah nyegat bis kota Bungurasih, budhal kerjo nang Perak. Pacakane sueksi pol, bengesan mblenger abang nganggo rok jean mini.

Pas katene numpak bis, mergo rok minine nguapret pol, sampek sikile Romlah gak isok mancik munggah bis. Romlah ngrogoh selerekan nang mburine rok, ditarik sithik cikno rodhok longgar.

Slerekane wis didhukno, tapi roke isik pancet nguapret ae, sikile Romlah tetep gak isok mancik munggah bis.

Romlah nyobak pisan ngkas ngedhukno selerekane rok cik tambah longgar. Tibake sik pancet ngapret ae, sikile Romlah tetep gak isok mancik munggah bis.

Romlah nyobak maneh sampek ping telu, tetep ae gak isok.
Kondekture wis gak sabar bengok-bengok, ngongkon cepet munggah.

Moro-moro onok tangane wong lanang ndhemok bokonge seko mburi, nyurung Romlah munggah bis.

Romlah mendelik nguamuk nang wong lanang iku,"Semprul !!! Gak sopan blas peno Cak, wong gak kenal athik wani-wanine ndhemok bokongku !!"

Wong lanange nyauri,"Yo sampeyan Ning sing gak sopan, wong gak kenal athik wani-wanine mlorot selerekan celonoku ping telu."

"Lho, tibake mau iku duduk slerekanku?!" Jare ning Romlah nang atine. (Beky)

Bojoku ilang,..

Nang plaza, ono bapak-bapak sing kelangan bojone. Pas lagek golek-golek, wong lanang iki ketemu arek cilik sing nangis, soale ibuke ilang. Akhire, bapak-bapak karo arek cilik iku mlaku bareng, golek bojone karo ibuke arek cilik.

Wong lanang iku takon nang arek cilik itu,"Ibukmu modele koyok opo? Cek gampang golek-golekan'e?" Arek cilik itu njawab, "Ibuku rupane ayu, kulite putih, seksi, awake kuru, seneng pake rok mini karo sepatu hak dukur."

Wong lanag iku kaget,"Haaaah!" Arek cilik itu bales takon,"Nek bojo sampeyan modele koyok opo?" Wong lanang iku meneng dhilik terus ngomong,"Wis, gak usah mikir bojoku dhisik, ayo nggoleki ibukmu dhisik!!!" (Heru)

Jumat, 15 Juli 2011

Abang cilik gatel

Iki bedhe'an rek. Opo sing cilik mentik abang gatek, terus iso dadi biru? Koen ngerti gak? Iku ngono kukul sing onok nang bathuke Brimob. Cobak cekelen, koen pasti biru-biru soale dikaploki. Plok!

Kamis, 14 Juli 2011

Ayo Sinau Teko SDN Sitirejo 04

Ancen ruwet ngurusi sekolah nang negoro iki. Gak pemerintahe, gak aparate sampek kepala sekolah polahe koyok telek wedhus. Cilik-cilik tapi roto sak pekarangan. Durung mari urusan contek jamaah nang Suroboyo, wis ono maneh kakus...eh....kasus nang SDN Sitirejo 04, Kecamatan Wagir, Kabupaten Malang.

Gara-gara ngritik pola pengelolaan sekolah, anak kembare Lilis Setyowati, ditokno teko sekolahan. Lha iyo kenek pirang perkoro sampak murid diusir karo Kepala Sekolahe gara-gara ditontokno kekurangane.   

Tak pikir kabeh wis podo ngerti ceritane. Lha sing nggapleki, kepala sekolahe, jenenge Imam Sodiqin, langsung nggawe surat resmi ngongkon anake Lilis Setyowati minggat tekan sekolah. Untunge surat perintah iku nggawe kop sekolah, coba nggawe kop Pegadaian iso-iso aneke ning Lilis iku dikiro barang gaden.

Kabeh wong wis paham, lek ngurusi sekolah ancen abot, makane ono Komite Sekolah, isine yo wali murid. Usul, saran, omongan sing paling nggilani yo kudune direspon apik-apik. Lak gak ono salahe ngekei masukan, lek carane diroso keliru yo maklum lha kabeh anggota komite lak ibu-ibu.     

Prinsip utama pendidikan sing wis digagas karo founding fathers Indonesia wis jelas: yo opo carane arek-arek Indonesia iso pinter, gak bodo. Jare Kartolo, lek wis gede iso bales dendam....waaaa...bales budi. Lha arep pinter yo opo lek model pengajarane sak karepe dewe.

Kepala Sekolahe petentang petenteng kroso nduwe jabatan gak gelem dikritik. Opo iku sekolah mbahe? Opo maneh pengakuan ning Lilis arep dipulosoro gara-gara ngirim surat protes tekan Bupati. Lek pimpinan sekolahe modele koyok Hitler ngono yo wajar akeh sing protes.

Tapi lek arep dibukak kabeh, ancene garis kerjo dunia pendidikan koyok tembelek. Imam Sodiqin yo gak iso diblesno nang sepiteng gara-gara kasus iki. Kepala Sekolah tekan Aceh sampak Merauke pastine wis akeh masalahe. Mulai teko gaji, school management sampak nuruti karepe pemerintah.

Kementerian Diknas saiki wis kadung woro-woro nang endi-endi lek kualitas pendidikan Indonesia iku podho karo sing nang luar negeri. Arek sekolah sak Indonesia Raya saiki pasti pinter-pinter, jago Matematika, Ilmu Pengetahuan, ngomong Ingris was wes... Lha sing ngisor-ngisor iki durung siap kabeh.

Awakmu ngerti tha, lek wayahe laporan BOS, kabeh Kepala Sekolah iso kepuyuh-puyuh lek ono sak ripis gak ono kuitansine. Durung ngurusi bayar listrik, banyu, iuran tekan dinas. Pokoke mbulte koyok entute hansip...mulek nang clono, gak metu-metu....

Dadi rek, lek awakmu nduwe dulur, konco, tonggo sing guru mbok kerep dijak ngobrol. Ojo dianggurno thok, cuk... Opo maneh lek awakmu tau mangan jendelo sekolah tinggi, wong-wong koyok Imam Sodiqin iku uripe gak tenang. Dudu perkoro diuber-uber utang, tapi bingung arep ngatur sekolahe koyok opo.

Ojo sampe kasus SDN Sitirejo 04 iki mbalik maneh nang Suroboyo. Koyok pepatah Keledai gak tau nyaruk watu sing podho....ngerti kan artine ? Lek gak ngerti, budhalo nang Bonbin njaluk nginep nang kandange keledai 2 wengi... Yo opo ? Ayo nginep !!! (Felix)

Parikan Pak modin

Ketemu Agus nang omahe pak modin
Pak modine lungo nang Jayapura

Onok kasus gara-gara Nazaruddin
Nazaruddine minggat nang Singapura

Pak modin mengkel tuku rambutan aceh
Rambutane bosok dipangan wewe

Nazaruddin jengkel terus malah ngoceh
Ocehane bosok mangkelno Esbeye

(Basuki)

Gusti Allah gak cuma ngurusi wong bedigasan koyok koen!

Crito iki tak olehi pirang tahun kepungkur. Waktu iku, aku jik kerno nang koran lokal, nang Suroboyo. Salah siji redakture (sing mrikso tulisan wartawan, karo tanggungjawab halaman), jenenge (alm) Pak Ir, lungguhe pas nang ngarepku. Bangkune awake dewe cedek karo gang, sing biasane digawe wong-wong wira-wiri. Mulai tukang layout (tukang noto film sakdurunge dicetak) tukang edit foto, termasuk wartawane koran iku.

Pas enak-enak ngedit, moro-moro onok wartawan wedhok sing liwat nang gang iku. Pas nang jejere awake dewe, moro-moro wartawan wedhok iki kesandung kabel sing ono nang kono. "Ya Allah!" arek wedhok iku kaget arepe tibo. Aku aro Pak Ir yo melu kaget. Wartawan wedhok iki, langsung ngaleh. Aku karo pak Ir nglanjutno kerjo maneh.

Gak suwe, wartawan wedhok iki liwat gang iku maneh. Eh,.. mbuh kenek opo, arek iku kesandung kabel maneh. Saiki rodok banter, nggarai arek wedhok ini arep tibo, tapi gak sido. "Ya Allah!!" jarene luweh banter. Aku karo Pak Ir yo melu kaget. Yo opo gak kaget cuk, pas nang jejere aweke dewe! Arek wedhok sing kesandung iku, langsung ngaleh.

Nah,..keadaan wis rodhok tenang. Eh,..tibake arek wedhok iku lewat maneh. Goblok'e, arek iki kesandung maneh sing ping telu. "Ya Allah!!!" jarene. Kathoke, Pak Ir yo wis rodhok mangkel pisan, soale kesandung kok ping telu. "Heh, Gusti Allah gak cuma ngurusi wong bedigasan koyok koen!" jarene Pak Ir sing rupane sangat, koyok Joger (sing nggawe kaos Joger nang Bali) iku.

Aku cekikikan thok nontok arek wedhok iku klewesan ngaleh. :) (iman)

Rabu, 13 Juli 2011

Lagu Suroboyoan sing keminggris


All out of love (Air Supply): Seneng sampek “metu”
Goodbye (Air Supply): Minggat
Lost in love (Air Supply): Gak cinta raimu
Making love out of nothing at all (Air Supply): Ngencuk gak dibayar
How deep is your love (Bee Gees): Nggonmu jerune sak piro
I started a joke (Bee Gees): Mulai pringisan
Words (Bee Gees) : Nggedabrus
More than words (Extreme) : Nggedabrus pol
Smoke on the water (Deep Purple) : Banyune wus umob
Mama (Genesis) : Mak'e
All night long (Lionel Richie) : Melek’an
Stuck on you (Lionel Richie) : Kecanthol kawat
Frozen (Madonna) : Njindel
Like a virgin (Madonna) : Ketok'e perawan
Black & white (Michael Jackson) : Sebrangan dalan
Killing me softly (Roberta Flack) : Di-ithik-ithik sak-mathek’e
Release me (Engelbert Humperdinck) : Cul'na aku
My way (Frank Sinatra) : Sak-karepku
La copa de la via (Ricky Martin) : Ayo bal-balan
Something stupid (R William & Nicole Kidman): nggobloki
Kiss me (Sixpence None The Richer) : Kismis
Viva forever (Spice Girls) : Ketagihan wedak Viva
Don't stop me now (Queen) : Ojo Nggandoli
We will rock you (Queen) : Sawat-sawatan watu
Always (Bon Jovi) : Mesti ngono
Bed of roses (Bon Jovi) : Peti mati
Sailing (Rod Stewart) : Iseh Eling (ora edan)
Jump (Van Halen) : Mencolot
Black magic woman (Santana) : Mak Lampir
Smooth (Santana) : Lunyu
Still loving you (Scorpion) : Ra duwe isin
So young (The Corrs) : Bocah SD
Zombie (Cranberries) : Gendruwo
Hotel California (Eagles) : Losmen Dolly

(Rukhin)

Selasa, 12 Juli 2011

Mikir sing apik-apik kanggo masalah sing nang ngisor iki

1. Teko telat
Nek onok wong teko telat pas kerjo, ojok diseneni. Soale wong iku cerdas. Tontoken wong cerdas itu biasane butuh waktu sedhiluk kanggo marekno kerjuane.

2. Facebookan pas kerjo
Nek onok koncomu Fesbukan pas kerjo iku artine de'e iso nglakokno pirang-pirang kerjoan bareng-bareng.

3. Nek mangan mesti suwe
Nek wong koyok ngene ini pekerja keras, mulane iku butuh energi gedhe lewat mangan sing akeh.

4. Cepet nek mulih kerjo
Iku artine, wong iku seneng nek koncoe sak kantor ketok luwih rajin, soale mberesi kerjoan.

5. Gak mlebu kerjo
Iku artinya loyalitas tinggi gawe nggone nyambut gawe. Buktine, koncomu kerjo sampek loro-loro.

6. Tekone telat, mulihe dhisikan
Itu artike arek iku pinter, gak gelem salah ping pindo. Misale, teko telat, mulih yo telat. Kan goblok artine nek ngono.

7. Keturon pas kerjo
Artine, wong sing sering keturon pas kerjo iku wong sing pinter. Soale mikir kerjoan karo kesehatan bareng-bareng.

8. Keturon nang omah
Artine, wong sing koyok ngene iki pekerja keras. Sampek turu bengi gawe kantor'e.

Lumpur Lapindo iku ngono dusoe pemerintah!

Demo korban lumpur. (internet)
Moco beritae 45 RT Deso Mindi, warga korban lumpur Lapindo sing mblokir dalan Selasa (12/7) iki, yo seneng yo sedih. Seneng soale dulur-dulur korban Lapindo tibake jik onok semangate, padahal wis limang tahun disekso karo lumpur Lapindo, karo pemerintah. Sopo sing salah, menurutku, lumpur Lapindo iku jelas-jelas dusoe pemerintah!

Kok iso? Jelas iso cuk. Negoro iku duduk dulinan. Kewajibane pemerintah nang warga negarae iku salah sijine melindungi. Nah, kang kasus lumpur Lapindo iki, jelas-jelas pemerintah gak iso ngeke'i perlindungan nang warga negoroe. Khusus'e warga negara Indonesia sing ono nang kawasan sing kenek lumpur, karo sing kenek dampak gak langsung njebrote lumpur.

Pemerintah yo lalai, urusan pengeboran lumpur. Nek koen ngikuti berita lumpur Lapindo sejak awal, koen meski ngerti nek uakeh kelalaian sing ono nang kasus iku. Siji, sakjane, gak oleh nglakokno aktivitas pengeboran nang tengah-tengah mukiman. Loro, sakdurunge ngebor, iku kudu duwe Analisis Dampak Lingkungan (Amdal), lha nang kasus iki, gak ono Amdale'e cuk!

Sing ketelu, tiba'e, proses ngeboran iku gak dilakokno sing bener. Ono 'chasing' (batas areal sing di bor, koyok nek koen nggawe sumur, lak mesti koen ke'i pinggiran. Ce'e lemahe gak amblek nutup bolongan sumur). Intine, pemerintah karo Lapindo pancen dobol! Kerjone ngawur, nggarai susah dulur-dulur Porong.

Aku setuju ae nek dulur-dulur nutup dalan. Aku percoyo, wong-wong sing ngroweng soale dalane macet gara-gara dulur-dulur Porong demo, pasti luwih ngroweng maneh nek omahe diguyang lumpur, pekarangane dipendem lumpur terus diusir gara-gara lumpure gak iso distop. Wis dulur, koen kudu terus berjuang, sampek pemerintah paham lan gelem ngerti nek warga Porong iku yo warga negara Indonesia.

Terus berjuang dulur! (iman)

Wong sing paling apes

Iki contoh'e uwong sing paling apes nang Indonesia.

1. Wong iki lahire nang 'Balikpapan'

2. Cilikane di 'Palu'

3. Gedene di 'Serang'

4. Waktu kawin oleh wong 'Malang'

5. Matine di 'Sorong'

6. Dikubur nang 'Batu'

Hehe, guyon cuk,..

Senin, 11 Juli 2011

Endi daerah Suroboyo sing paling dukur?

Rek, koen ngerti kenek opo, Suroboyo iku kok panas? Nek jawabanmu soale wong Suroboyo iku akeh dusone soale ono Gang Dolly, Moro Seneng Karo Kenjeran, iku yo mbuh, duduk urusanku cuk. Sing pasti, nek aku gak salah ngerti, Suroboyo iku panas soale akeh-akehe daerahe nang nggon sing endek. Ngerti ta koen?

Nek koen gak ngerti, iki penjelasane. Suroboyo iku akeh-akehe nang daerah yang dukure cuma 3-6 meter nang ndukure permukaan laut. Nah, biasane, angin laut ikut akeh sing nggebes nang daerah sing gak duwur. Angin laut biasane panas. Mulane iku, Suroboyo sering panas. Durung maneh, ono sing jenenge polusi. Koen ojo pura-pura paham cuk! Soale polusi nang Suroboyo iku tergolong nemen.

Tapi, meski akeh-akehe panas, ono daerah Suroboyo ding adem. Soale, nggone paling duwur. Nek akeh-akehe 3-6 meter, nang daerah iki sampek 25-50 meter nang ndukure laut. Daerah ikut jenenge Lidah karo Gayungan. Cobak rasakno dewe. Nang Lidah karo Gayungan, angine luwih suejuk! Opo maneh nang kono jek akeh tandurane. Iyo kan?

Koen sing gak ngerti, Lidah iku nggone nang daerah Kecamatan Lakarsantri. Cedek-cedek Tandes, kono lho rek. Nek Gayungan iku nang daerah sekitar Gunung Sari. Eruh ta koen?

Wis, mari ngene lak Posoan. Nek koen holek nggon sing suejuk, onok apike koen mampir nang Lidah opo Gayungan. Sopo ngerti koen oleh kenalan nang kono. Cuk! Ojok mesam-mesem dewe. Nek Posoan ojok pacaran thok, cuk,.. :))

Iki lho rek sing jenenge Suramadu

Koen kabeh, jelase wis ngerti Suramadu, jembatan sing nyambung Suroboyo karo Meduro. Tapi, akeh-akehe ngerti teko cedhek. Lha foto kirimane Basman ini apik rek, foto teko udara. Koen dadi ngerti yo opo dowone Suramadu iku sakjane. Eh, koen nek duwe foto-foto sing ambu-ambu Suroboyo, mulai kuthone, uwong-iwonge sampek bonek Persebaya, kirimen ae nang: emaile.wonokromo@gmail.com.

Pramugari Suroboyoan

Poro penumpang sing apik,..

Engkok lek motomu pedhes, opo kupingmu budheg, emploken permene yo cuk

Engkok cek slamet, tulung deloken iki cuk, yok opo carane masang sabuk, yok opo ngancinge ben gak coplok, ben kenceng, yok opo carane nyoplok.

Klambi plampung ono ndhek ngisor kursimu cuk, ojok mbok nggo sik, entenono Pakdhe Kapiten ngekeki woro-woro.

Iku ojok mbok pindah-pindah cuk, opo maneh mbok gowo muleh, nggo mbok pajang dhek ruang tamu, timbang tak kampleng ngarep mburi

Ngerti gak cuk?!

Iko nggo klambi plampung e, leboknno lewat tholok, kancingen sabuke ndhuk ngarep. Ojok kekencengen, engkok bingung gak isok ambegan. Iku isok mbok sebul, sing penting ababmu gak mambu

Ben isok ngambang nang banyu, tarik en penthil-penthil warno abang jambu bol iko. Iling, tariken dhek njobo psawat, ngko gak isok metu nek ndhek njero mlembung gede Jeh lawange gak sedeng, isik nyantol

Nek arep metu pesawat antri yo Cuk, baris koyok bebek.
Bis holobis kuntul baris

Nek ambegane wis mulai angel
Iku masker oksigen ceblok dewe tekok nduwur ndasmu.
Kop warna kuning-kuning iko nggonen.
wong sitok, sitok ae cuk
jok rebutan
ngisin-ngisini, ndeng!

Kertu petunjuk darurat ono ndhek sak kursi ngarepmu, wocoen!
Ojok diapalno
Ngkok edan koen cuk

Ngono sek yo pakdhe, mbokdhe, paklek, bulek, cak, ning,tole,wuk
ojok prengesan ae

Oke
Nek ape moco-moco penceten tutulan nang nduwurmu iko
Iko nggo nguripne lampu

Ngerti Cuk ?? (Kirimane Beky)

Gak seneng dikritik ibuk'e, anake sing SD ditokno teko sekolah

Aku gak nyalahno, nek onok uwong ketemu Kepala Sekolah SDN IV Sitirejo, Malang, Imam Sodiqin, Komite Sekolah, Purwadi karo Koordinator Paguyuban, Netty Erianti, terus misuh-misuh. Masalahe, wong telu iku tanda tangan surat pemberhentian murid-murid kelas 2 SDN IV Sitirejo. Soale, ibuk'e murid-murid itu, Lilis Setyowati (39) ngirim surat keluhan soal sekolah iku. Gak trimo dilaporno elek, eh,..anake ditokno teko sekolahan.

Opo sing kedadean nang sekolah iku pancen nggateli. Koyok diberitakno karo Detik.com, Lilis sing ngrasakno larang'e biaya sekolah mutusno kirim surat nang Bupati Malang, Rendra Kresna. Lilis crito kudu mbayar duit les privat, sampek Rp.20 ewu. Karo macem-macem hal nang sekolahan iku sing gak nggenah. Gak cuma iku, Lilis yo diancam arep digugat lewat jalur hukum. Lho, iku lak nggateli tel!

Kasus iki mirip kasuse Prita Mulyasari, ibu-ibu wong Tangerang sing nulis surat soal RS. Omni International. Prita sing dituntut dendo, akhire dibebasni Pengadilan Tinggi. Eh, nang Mahmamah Agung, Prita dinilai salah! Jancuk kan ngono iku. Wong-wong penegak hukum iku ketoke lali nang istilah "roso keadilan". Wong kudu adil nang wong liyane.

Sekolah karo rumah sakit iku kan fasilitase wong akeh. Nek koen keroso ono sing gak beres nang fasilitase wong akeh, koen duwe hak gawe protes. Nek protesmu gak dirungokno, koen iso lapor nang atasane. Misale, koen gak cocok karo lurahmu, koen iso lapor nang camatmu. Resikone, lurahmu pasti diseneni karo camat, sing atasane lurah. Nek lurahe ngamuk, iku sing salah lurahe.

Sing jancukan iku nek lurahe nggugat, terus pengadilan menanggo lurahe. Tapi nang Indonesia, sing sering terjadi justru koyok ngono. Pengadilan sering ngalahno wong cilik. Asu pancen! (iman)

Minggu, 10 Juli 2011

MOS, Maksude Opo Seh ?

Mulai minggu iki dalan-dalan nang kuto-kuto gede bakale macet. Lha yo opo arep lancar. Wis embonge gak tau nambah, kendaraan malah yuk-yukan jumlahe. Bayangnyo ae lek kabeh montor, mobil, bemo, angkot, lyn sampek becak budhal bareng ngusungi arek-arek anyar sing arep mlebu sekolah. Lek nang Suroboyo, sing langganan macet pastine daerah sekolahan. Lha ndilalahe kabeh sekolah iku nggone yo nang dalan sing iku-iku ae. Apane gak nyuklekno boyok, cuk ? Teko dalan Ahmad Yani, sing ancene ben isuk macet, apane gak mrantak tekan Jalan Teluk Nibung.

Iku mau biasane wis umum. Tapi sing ruwet maneh iku urusan arek-arek sekolah sing anyar, mbuh iku mlebu pertama SD, SMP opo SMA. Kabeh arek iku kudu melok orientasi. Jarene kanggo nyiapno kabeh murid ben iso nempuh sekolahe. Makane pemerintah yo melok ngriwuki. Digawekno judul MOS Masa Orientasi Sekolah. Berhubung sing nggacor iku pemerintah, kabeh kepala sekolah negeri yo manut ae. Arepe ngomong Gak ? Iso-iso kabeh kepala sekolah dike'i tendangan tanpa bayangan karo kepala dinas'e.  

Tapi lek dipikir-pikir maneh, dulur, awak bingung sak jane acara MOS iku karepe opo ? Soale isi acarane kabeh podho ae, arek-arek anyar iku dikongkon nggowo barang sing aneh-aneh. Ono sing dikon nggowo kemiri 5 butir, lampu semprong werno ijo pupus, buah kesemek, kemoceng werno lorek. Ono maneh sing dikon nggowo juwet nom. Iku gurune ngidam tha yo opo ? Pokoke perintahe gak masuk akal blas. Coba takon ae, iku kanggo opo ? Jawabane pasti nggateli. "Itu semua untuk melatih kegigihan siswa baru". Ancene gendheng !!!. Lha wong pengen latihan kegigihan kok nggawa sing aneh-aneh. Mesisan perintahe koyok iki lho: "Coba kamu bawa pak RT-mu pakai long-dress kembang-kembang warna pastel !!!" Tak jamin gak ono sing 'gigih' arek anyar sak Indonesia...

Panitia sing dipilih tekan arek-arek lawas nduwe argumen bedho maneh. "Iki apik kanggo kenang-kenangan arek-arek anyar. Dadi lek wis lulus iso crito karo cekakakan...." Lek iku biasane jawaban teko arek-arek sing sarapan pecel, karo piring sak sendok'e diunthal bareng. Dadi nyogrok inthil-inthil, terus nggarai uthek'e korsleting.... Kenangan sekolah iku suwene 365 dino ping telu...jumlahen piro? 730 dino...pitungatus telungpuluh dino mosok gak ono kenangane blas. Iku menungso opo robot ? 

Jawaban sing metu teko cucuk'e guru panitia MOS biasae ngene "acara ini membantu siswa menempuh pendidikan di lokasi sekolah yang baru". Lek arep ngrewangi orientasi pendidikan carane gak dikon mlaku turut embong, pak guru! Dihukum push up, mlayu muteri lapangan sak modhare, dipepe panas-panas. Lek jaman dhisik, ono benere soale pas wayah SD gurune siji ngulang kabeh pelajaran. Pas SMP siji guru kanggo siji pelajaran. Lek iku bener. Opo dikenalno nang lingkungan anyar. Nggon jeding nang endi, lek wayah ngising gantian opo bareng, ngguyang nggawe banyu opo wedi? Lab bahasa kanggo opo ae, ekstra kurikuler opo ae, guru-gurune dikenalno, dijelasno soal aturan sekolah, lek onok UKS dijelasno sopo sing ngurus. Sak wayah-wayah ono pemeriksaan kesehatan moto, sopo ngerti separuh muride kero opo buta werno.

Lek arep ngono gak perlu sampe sak minggu, cukup 2 jam pelajaran. Lalu mulai aktif diulang gurune. Taun pelajaran anyar dimulai. Ancene dobol kok, lek kabeh podho gak jelas kudune MOS iku kanggo pertanyaan ae duduk kegiatan. Eh pak/bu guru Maksude Opo Seh ? (Felix, bapake Enzo)

Lapo SBY kok wedhi karo Nazaruddin?

Kasus korupsine Wisma Atlet sing jarene nglibatno bekas Berdahara Umum Partai Demokrat, M.Nazaruddin pancen mbok ne ancuk! Mosok pemerintah sing karena dipimpin karo mantan tentara sing jenenge Susilo Bambang Yudhoyono (SBY) gak isok nyeret Nazaruddin mbalik nang Indonesia. Opo SBY wedhi karo Nazaruddin? Lapo kok wedhi?

Biasane, nek wong wedhi iku ono opo-opo sing disingitno. Misale, koen bari nyolong sandal nang mesjid, koen mesti wedhi ketemu karo pengurus mesjid te. Podo karo koen nek koen mari nyolong pelem’e tonggomu, koen yo wedhi ketemu karo tonggomu. Hahaha,.. Opo yo ngono karo urusan SBY karo Nazaruddin? Be’e ae cuk!

Soale, SBY kan sawangane bingung karo kasus Nazaruddin iki. Opo maneh, onok kabar, Nazaruddin ngoceh lewat SMS soal duwek sing dicolong iku, mlayune sampek nang Ketua Umum Partai Demokrat Anas Urbaningrum, karo Menteri Pemuda Olah Raga, Andi Malarangeng. Wah, nek iku bener, berarti pucuk-pucuke Partai Demokrat yo mangan duwek haram cuk! Hahahaha,..

Pantes ae SBY wedhi. Terus lambat ngurus kasus iki. Alasane macem-macem. Nek SBY pancen niat, de’e kan iso telpon Perdana Menteri Singapura, terus ngomong, ”Je, tolong tangkepen Nazaruddin po’o, arek iku maling!” Hahahaha,.. Gak mbuleeeettt ae koyo tali koloran. (iman)

Prita iku nuntut hak'e kok disalahno se rek-rek,..

Rek, koen ngerti kasus Prita, ibu-ibu asal Tangerang sing dituntut nang pengadilan karo RS Omni International, terus ono gerakan Koin Prita itu lho. Nah, wingi-wingi itu, Prita kenek musibah maneh.


Mahkamah Agung, pucuk-pucuk'ane masalah hukum nang negoro iki, mutusno Prita bersalah. Lho, padahal sak durunge, Pengadilan Tinggi (PT)-lembaga hukum ngisore MA- mutusno menang. Yok opo se?

Soal hukum, negoro iki pancen aneh! Wong sing genah-genah dianiaya, terus melawan lewat email, justru disalahno karo hukum. Tapi nek onok wong nggateli, koyo M.Nazaruddin sing diomong korupsi, terus minggat nang Singapura, malah dijarno ae.

Koen kabeh meski ngerti kasus-kasus liyane sing luwih nggateli. Koen iso crito nang kene, lho. Kirimen nang emaile.wonokromo@gmail.com. Cek'e wong-wong kabeh ngerti nggateline urusan hukum nang Indonesia. (Iman)

Sabtu, 09 Juli 2011

Balbalan ne enak'e yok opo rek?

Eh, koen kabeh ngerti berita terpilihe Ketua Umum PSSI sing anyarkan? Iku Djohar Arifin Husin sing kepilih Sabtu (9/7) nang Solo, Jawa Tengah dadi pucuk'e PSSI. Nah, yo opo menurutmu? Opo iku iso ndandani kondisi PSSI sing wis ajur iki?

Nek aku gak salah eling, akhir-akhir iki balbalan nang Indonesia iki podo karo kondisi ne Indonesia, sing ajur. Akeh malinge, akan tipu-tipu skor, wis pokoke ajur sak sembarange. Nang Suroboyo yo rame pisan, kan? Persebaya dobol, ambrol, pecah dadi loro. Bonek jarene ajur pisan. Yo opo sih sak benere? Opo onok bonek sing iso crito?

Sing aku krungu, Persebaya 1927 melu Liga Premier Indonesia (LPI), nek sing sijine melu Liga Super Indonesia (LSI). Pengurus PSSI Suroboyo yo akeh sing nglawan Nurdin Halid-Nugroho Besoes, gabung karo Kelompok 78. Eh, endi kok gak ono suarane Kel.78? Ojok-ojok melok ajur sisan. Hahaha. Saleh Mukadar endi rek? Bang, kok moro-moro sepi, gak melu nang Solo ta?

Tapi rek, nek oleh ngeke'i urun rembug nang Ketua PSSI sing, anyar, opo sing dikembangno LPI itu penting gawe masa depane balbalan nang Indonesia. Wis gak usah gawe duit negoro lewat APBN/APBD cuk! Ini balbalan! Podo karo hobby, kudu nggawe duite dewe-dewe! *macak serius. (Iman)
Sent from my BlackBerry® smartphone from Sinyal Bagus XL, Nyambung Teruuusss...!

Jumat, 08 Juli 2011

Ojo lali Dolly

Nek ngomong soal Suroboyo, pasti wong-wong sak Indonesia takok'e soal Gang Dolly. Iku lho cuk, gang nang daerah Jarak sing biasane gawe panggonan wong-wong sing apene ngencuk. Embuh yo, Dolly kethok'e luwih terkenal timbangane Wali Kota Suroboyo.

Koen sing ngaku Arek Suroboyo, ojok purak-purak gak ngerti Dolly cuk! Nek pancen gak ngerti, Dolly iku nggonne iso diparani lewat Kupang, Dukuh Kupang, opo lewat Darmo. Sing gampang, nek koen wis tekan daerah kono, takok'o uwong kono, pasti ngertine.

Dolly iku isine nggon-nggon seneng-seneng. Koen iso main bilyard, karaoke, opo cangkruk'an. Sing mbedakno karo nggon liane, nang kene onok balon'ne. Koen eroh balon ta? Balon iku istilah'e gawe wong wedhok sing iso dituroni, asal koen gelem mbayar. Iku nek koen gelem. Nek koen gak gelem, yo cangkruo thok ae yo gak popo.

Opo kabeh wedhok'an nang kono iso dituroni terus dibayar? Gak cuk! Asu! Nang kono iku, campur karo wong-wong biasa. Wedhok'an sing iso dituroni biasane dipajang nang koco-koco. Eh, nek koen ngerti 'red light district' nang Londo, model'e podho. Be'e, soale sing nggawe gang Dolly pertama iku wong Londo, jenenge Tante Dolly van der mart.

Ngerti ta koen? Jelas gak! Wong koen ndeso! Ngertine Manukan thok! Haha. Guyon cuk! Eh, jarene, Dolly iku nggon ngencuk sing paling gedhe, nang Asia Tenggara. Luwih gedhe timbangane ngon ngencuk nang Singapura, opo Thailand. Banggao koen cuk! Hahaha. (Iman)
Sent from my BlackBerry® smartphone from Sinyal Bagus XL, Nyambung Teruuusss...!

Teko Ujung Galuh dadi Suroboyo

Akeh wong sing takon, nang daerah endi asale kuto Suroboyo ? Lha awak dewe lak duduk sejarawan, sing tau mangan dingklik sekolah tinggi Arkeologi, dadine yo bingung njelasnone. Lek nang Jakarta asale tekan daerah Kota sing asline yo wis dicatet rapi karo wong londo. Ojo takon sopo ae, des! Pokoke ono ae.


Lha Suroboyo gak ono infone blas. Jarene Von Faber, arek londo gang kuburan, Suroboyo didekno tahun 1275 Masehi karo Raja Kertanegara. Soale pas prajurite menang gembyeng karo pemberontak Kemuruhan. Iku yo gak jelas posisine nang endi.

Tapi lek mentelengi buku sejarah Jowo Kuno, ono sing nulis lek Ujung Galuh iku teko boso Sundo. Pasti awakmu gak percoyo. Tapi ancenen ono kerajaan gede jenenge Galuh sing manggon nang Ciamis kaet taun 700'an. Jeneng rojone Sri Jayabhupati Jayamanahen (1030-1042). Gak ono hubungane karo Sri Mulyani, cuk. Raja Jay iki, celukane ancen Jay, sing nulis Prasasti Cibadak. Sri Jayabhupati iki mantune Dharmawangsa Teguh teko Jawa Timur, morotuone Raja Airlangga (1019-1042). Lha mbulet maneh kan.

Wis ngene ae, pokoke wilayah pesisir utara Jawa kabeh dicekel raja Galuh iku. Deso Ujung Galuh dianggep batas kekuasaane Cak Jay iku. Jaman sak mono penduduk pirang glintir tok, rek. Deso iki dadi terkenal gara-garane tahun 1293, Raden Wiyaya (sing ngedekno Majapahit) iso ngusir tentara Tar Tar teko Mongolia. Pasukan moyange Mao Ze Dong iso oret teko deso Ujung Galuh numpak kapal tekan muara kali Mas. Artine iku daerah Perak, sing saiki dadi Pelabuhan Kali Mas. 

Daerah iki dadi maju sak marine arek Londo sing irunge koyok manuk betet teko ning Ujung Galuh kuwi. Sing jelas taun 1596 Cornelis Houtman wis petentang petenteng ning Ujung Galuh. De'e ngomong, "Iki lek dibangun pelabuhan pasti ciamik soro". Anak buahe sing wong Gresik isone krungu mburine tok. Kaet iku 'ciamik soro' wis dadi trademark wong Burgud...eh..Gresik.

Wis ngene ae dulur-dulur, lek misale ono sing takon lokasi pertamane Suroboyo, crito iki iso dadi cekelan. Dicekel thok ae, gak gak lek nyathek.  (Felix, arek manukan)

Blakrak'an nang mesjid, klenteng, gerejo

Iki posting pertama rek. Kudu ngenalno Suroboyo. Suroboyo iku nggon sing enak gawe mlaku-mlaku. Ono nggon-nggon yang iso digawe cangkrukan. Pokok'e ojo rempon, koen pasti gak dilarang mrono. Iki nggon-nggon sing iso diampiri. Kabeh datane teko Pemkot cuk,..tapi diboso Suroboyoan no.

Masjid Al Akbar. Masjid gede iki ono nang dalan Penganggan, Suroboyo Selatan. Ini masjid guede, modele aneh karo rodok modern. Waktu Gus Dur dari Presiden, Masjid iki diresmekno, pas 10 November 2000. Koen nek nontok pasjid iki, kubeh'e koyo godhong. Wernoe Ijo karo biru. Suejuk rek! Koen nek mampir mrono, iso munggah nang tower'e. Mbayar piro yo? Wis mrono ae. Buktekno dewe.

Selain iku, ono Masjid Agung Sunan Ampel. Koyo jenenge, sing mbangun Sunan Ampel alias Raden Achmad Rachmatulloh. Jelas de'e gak mbangun dewe. Tapi diewangi konco-koncone, santrine. Masjid iki apik. Modele lawas. Nang areal kono iku, ono makame Sunan Ampel karo Mbak Bolong. Sing terkenal nang kono opo Gapuro Limo, lambange Rukun Islam. Koen sing Islam mesti ngerti.

Ono maneh, Masjid Muhammad Cheng Hoo. Iki masjid tergolong anyar. Koen eruh sopo Ceng Ho? Dudu Cenggur, matamu! Ceng Ho. Panglima Chino Dinasti Ming (1368-1643). Wis tala, koen pasti bosen nek tak tulis utuh. Mending nango Jalan Gading No.2 (nggurine TMP Kusuma Bangsa).

Sing sijine, Gereja Kristen Indonesia. Iki yo bangunan tuwek. Dibangun 11 September 1881 karo de Christeijke Gereformeerde Kerk, wong Londo. Gerejo nang daerah Pregolan iki unik. Podo karo Gereja Katholik Santa Perawan Maria, nang nggurine Kantor Pos besar. Ini Gereja Katholik rek, nek koen ngobe AO nang kono, gak enak karo Romo ne, cuk!

Sing asik maneh, Pura Jagad Karana. Iki nggone wong Hindu sembayangan. Pure iki nang jalan Gresik-Surabaya. Nek Sabtu bengi, Galungan, Kuningan, Nyepi sampaek Saraswati, pasti rame. Mrinio rek, cangkruk ae nang kono. Ojo lali mampir nang Klenteng Boen Bio. Iki klenteng Kong Hu Chu singg nggone nang Jalan Kapasan.

Gak main-main. Klenteng iki dibangun taun 1883, karo Go Tik Lie karo Lo Toen Siong. Onok maneh Klentheng Sanggar Agung nang Pantai Ria Kenjeran. Nek ono Festival Bulan Purnama, ewonan wong teko nang kene. Onok maneh Klentheng Hong Tiek Hian nang Pecinan, Dukuh.

Nek dorong puas, nango Joko Dolog, tang Taman Apsari. Opo Makam Ki Ageng Bungkul, nang Taman Bungkul, Makam Mbah Ratu nang Demak, Makam Dr.Soetomo nang Simpang, opo Makam W.R Supratman nang jalan Kenjeran. Wis rek,..pegel aku ngetik'e. Langsung ae mrono. (Iman)